اسهل طريقة لعمل البتيفور

طريقه سهله للبيتيفور فى نصف ساعه
النهارده هقولكو على طريقه سهله اوى للبيتيفور انا بعمله كتير وبيكون حلو اوى
المقادير بسيطه جدا
تلت كوب سمنه
تلت كوب سكر
بيضه
كوب دقيق
نصف ملعقه ص بيكنج بودر
فانيليا
ادعكى السمنه كويس اوى وبعدين انزلى بالسكر واخلطيه بالسمنه كويس
اخفقى البيضه اوى وحطى عليها الفانيليا وضيفيها عليهم
ضيفى الدقيق شويه شويه لحد ما يختفى بالعجيبه
خلى بالك اوعى تحطى الدقيق كله مرة واحده
ومتنسيش البيكنج بودر
لما العجينه تسيب من ايدك ومن الوعاء تبقى كده بقت كويسه
حطيها فى المكنه او كيس البيتيفور وجهزى الصينيه وحطيها فى الفرن وادعيلى
ياريت تجربوها وتقولولى رايكو
يارب تعجبكوووووووو