كعب الغزال جامد

السلام عليكم ورحمة الله وبركاتة

النهارده جيبالكم طريقة عمل كعب الغزال او المنين او البسكوت بعجوة
كل وحده زى ما تسمية
طريقتة سهلة مووووت

على فكرة دى طريقة مامتى بجد روووعة
انا جربتها وطلعت تحفة وحماتى افتكرتة جااااهزيا سلام
تسلم ايدك يا امى باحبه يا ماما


مش هطول عليكم

المقادير
معلقة كبيرة خميرة فورية او من المخبز
معلقة كبيرة سكر
كيلو دقيق
كبشتين كبار سمنة
معلقة كبيرة زيت
عجوة

الطريقة
تحطى الخميرة فى كوب ماء وتحطى علية السكر وتدوبيهم وتحطية فى مكان دافى ربع ساعة
بعد كده تحطى السمنة على النار لحد ما تقدح يعنى تسخن خالصبعد كده تحطيهم على كيلو الدقيق وعليهم الخميرة وشوية الزيت
ونقلبهم بالمعلقة عشان السمنة سخنةلحد ما العجينة تلم معاناعد كده نحطها فى مكان دافى ونسيبها تختمر لمده ساعهبعد كده نجهز العجوة لو عندك عجوة سايحة يبقى كويس انا كان عندى بلح عجوة فشلت منة النوى
وحطيتة على النار وحطيت علية شوية مية ونص كيس بيكج بودر فالبلح ساح وبقى عجوة سايحة
بعد كده هتجيبى العجينة وتفرديها وتبتدى الحشو
1- هنرش شوية دقيق- هنفرد العجينة هنموت طرف من اطراف العجينة عشان لما نيجى نلف تلزق معانا
نحط العجوة ونبتدى نلفها رول
وتدهنى الصينية زيت او سمنة بس انا بفضل الزيت وترصيهم
وبعد كده تجيبى بيضة وتدهنى وشهم بيها بالفرشة وتحطى عليهم سمسم وتدخليهم الفرن من تحت
وبعد كده على الشواية بس تخلى بالك من الشواية لانهم بيتحمروا بسرعة من فوق عشان البيض