اسهل كرواسون بالجبنة

النهاردة احب اقدم لكم طريقة عمل كرواسون وباتيه بالجبنة او بالشيكولاتة
والطريقة فعلا مفيش اسهل من كدة باذن الله

المكونات كلها سوا في الاول هي

(3كوب دقيق - كيس لبن نيدو(2ملعقة كبيرة)-ملعقة ملح- (ولو هنعمله بحشوة شيكولاتة يبقي نزود ملعقة سكر كمان )-كوب لبن دافيء-قطعة خميرة قد عين الجمل-3ملعقة زيت او سمن او زبدة)

اولا النواشف علي بعض

3 كوب دقيق
اللبن البودرة
الملح
ممكن تضيفي نصف ملعقة شمر او كمون

ثانيا السائل

كوب لبن دافيء
خميرة
و ملعقة سكر اساسي مع الخميرة

ونضيف النواشف مع اللبن والزيت ونعجن كتير لحد ما الواحد ايده توجعه هههههه
العجينة بتكون طرية وهشة وكل ما تعجني اكتر العجينة تبق قطنية اكتر
واتركيها تخمر ساعة

وبعد ين تشكليها وتحشيه زي ما تحبي
وسيبيها متغطية وفي مكان دافي قبل ما تدخليها الفرن لمدة ربع ساعة

ادهني الوجه بصفار بيضة مخلوطة مع 3او4 ملاعق لبن

دخليا الفرن ولا حظيها لحد ما الوجة يبقي لونه زي اللي في الصورة

وبالهنا والشفا